Jul 5, 2026 · 11:28 am
#1
நலமுடன் காதல்....
நண்பியின் நாவிலே
நிறைந்திருந்த நேசத்தை
நெஞ்சார நம்பியவள்
நாணம் மறந்து
நெருங்கினாள் காதலிடம்...
நேசம் நதியெனப் பெருக
நெறிகள் நொறுங்கின
நியாயம் நினைத்த பெற்றோர்
நிராகரிக்க
நிழலாய் நகர்ந்தது
நிம்மதியான வாழ்க்கை...
நெடுநாள் நெடுந்தூரம்
நொடிகள் நரகமாய்
நினைவுகள் நெஞ்சினுள்
நெருப்பாய் நின்றன...
நவமாத நெகிழ்வின்
நற்செய்தியைக் கூட
நேரில் நுகர முடியாமல்
நொந்து நின்றான்
நேசத்தின் நாயகன்...
நியதி நினைத்த
நிகழ்வொன்றில்
நொடியில் நேர்ந்த
நெருக்கடி வழியே
நீங்கிய இரு மனங்கள்
நெருங்கின மீண்டும்...
நெஞ்சின் நொறுக்கங்கள்
நேசத்தின் நறுமணத்தில்
நீராய் நெகிழ்ந்தன....
நம்பிக்கை நிமிர்ந்தது
நிம்மதி நிலைத்தது...
நிழலாய் நழுவிய காதல்
நித்தமும் நெஞ்சில் நிலைத்து
நல்வாழ்வின்
நந்தவனத்தில்
நகைச்சுவையாய்
நிறைவாக மலர்ந்தது...
நேசம் நெஞ்சை வென்றால்
நியதியும் நமக்கே துணை
நழுவிச் சென்ற காதலும்
நலமுடன் மீளும் ஒருநாள்....
நலமுடன் காதல் வாழ்க....
நல்வாழ்த்துக்கள்....📚🍫💌🌷👌🏻❤️🔥💔❤️🩹❣️👌🏻✍🏻✍🏻
Nice review.
Thanks ma
மீண்டும் ஒரு முறை படித்து முடித்தேன்…